സതാംപ്ടണ്‍: പ്രഥമ ലോക ടെസ്റ്റ് ക്രിക്കറ്റ് ചാമ്പ്യൻഷിപ്പിൽ ന്യൂസിലൻഡിന് കിരീടം. ആറ് ദിവസംവരെ നീണ്ട ഫൈനലില്‍ ഇന്ത്യയെ എട്ട് വിക്കറ്റിന് കീഴടക്കി. ആദ്യമായാണ് കിവികള്‍ രാജ്യാന്തര ക്രിക്കറ്റ് കൗണ്‍സിലിന്റെ (ഐസിസി) ഒരു കിരീടം നേടുന്നത്. ഇന്ത്യ ഉയര്‍ത്തിയ 139 റണ്‍ വിജയലക്ഷ്യം ബൗളര്‍മാര്‍ മേധാവിത്വം പുലര്‍ത്തിയ പിച്ചില്‍ പതറാതെ പിന്തുടര്‍ന്നു. പരിചയസമ്പന്നരായ ക്യാപ്റ്റന്‍ കെയ്ന്‍ വില്യംസണും (89 പന്തില്‍ 52), റോസ് ടെയ്‌ലറുമാണ് (100 പന്തില്‍ 47) അവരെ ചരിത്ര വിജയത്തിലേക്ക് നടത്തിച്ചത്. സ്‌കോര്‍: ഇന്ത്യ 217, 170 ന്യൂസിലന്‍ഡ് 249, 2-140.