ന്യൂഡൽഹി: കൊവിഡ് രോഗികൾക്ക് ചികിത്സയ്ക്ക് വേണ്ടി കവച് എന്ന പേരിൽ വ്യക്തിഗത വായ്പ പദ്ധതി പ്രഖ്യാപിച്ച് എസ്ബിഐ. പരമാവധി അഞ്ചു ലക്ഷം രൂപയാണ് വായ്പയായി അനുവദിക്കുക. 8.5 ശതമാനമായിരിക്കും പലിശ നിരക്ക്. 60 മാസമാണ് തിരിച്ചടവ് കാലാവധി. മൂന്ന് മാസത്തെ മൊറട്ടോറിയവും വായ്‌പയ്ക്ക് അനുവദിക്കും. വ്യക്തിഗത വായ്പകളിൽ ഏറ്റവും കുറവ് പലിശയാണ് കവച്ന് ചുമത്തുന്നതെന്ന് എസ്ബിഐ അറിയിച്ചു. കൊവിഡിൽ നിന്നും രോഗമുക്തി നേടിയവർക്കും വായ്പയ്ക്ക് വേണ്ടി അപേക്ഷിക്കാം.