Sunday 16-Aug-2026
റോജർ ഫെഡറർ ഫ്രഞ്ച് ഓപ്പണിൽ നിന്ന് പിന്മാറി
2021-06-07 By Admin
ഫ്രഞ്ച് ഓപ്പണ് ടെന്നീസ് ടൂര്ണമെന്റില് നിന്ന് സ്വിസ് താരം റോജര് ഫെഡറര് പിന്മാറി.പരിക്കിൽ നിന്ന് പൂർണമായി മോചിതനാകാത്തതാണ് കാരണമെന്ന് ടൂർണമെന്റിൽ നിന്ന് പിന്മാറിയ ശേഷം ഫെഡറർ പറഞ്ഞു. ടൂര്ണമെന്റില് നാലാം റൗണ്ടില് എത്തിയതിനു പിന്നാലെയാണ് പിന്മാറ്റം.
20 തവണ ഗ്രാന്സ്ലാം കിരീട ജേതാവായ ഫെഡറര് 59ാം റാങ്കുകാരനായ ഡൊമിനിക് കോഫെറെ പരാജയപ്പെടുത്തി പ്രീ ക്വാർട്ടറിൽ എത്തിയതിനു പിന്നാലെയാണ് സ്വിസ് താരത്തിന്റെ പിന്മാറ്റം. ‘എന്റെ ടീമുമായുള്ള ചര്ച്ചകള്ക്ക് ശേഷം ഫ്രഞ്ച് ഓപ്പണില് നിന്ന് പിന്മാറാന് ഞാന് തീരുമാനിച്ചു’ 39 കാരനായ ഫെഡറര് ട്വീറ്റില് കുറിച്ചു. രണ്ട് കാല്മുട്ട് ശസ്ത്രക്രിയകള്ക്ക് ശേഷം ഒരു വര്ഷ വിശ്രമത്തിനും ഞാന് എന്റെ ശരീരം ശ്രദ്ധിക്കേണ്ടത് പ്രധാനമാണ്. പരിക്കില് നിന്ന് പൂര്ണമായി മോചിതനാകാന് കഴിഞ്ഞില്ലെന്നും ഫെഡറര് ട്വീറ്റില് കുറിച്ചു.