ഏഷ്യന്‍ ബോക്‌സിംഗ് ചാമ്പ്യന്‍ഷിപ്പില്‍ മേരി കോം ഫൈനലിൽ. മംഗോളിയയുടെ ലുത്സൈക്കാന്‍ അത്‌ലാന്റ് സെറ്റ്‌സെഗിനെയാണ് മേരി കോം സെമിയില്‍ തോല്‍പ്പിച്ചത്. ടൂര്‍ണമെന്റ് ചരിത്രത്തിലെ ആറാം കിരീടമാണ് ഫൈനലില്‍ ജയിച്ചാല്‍ മേരി കോമിന് സ്വന്തമാവുക. 54 കിലോ വിഭാഗത്തില്‍ ഇന്ത്യയുടെ സാക്ഷിയും ഫൈനലില്‍ കടന്നിട്ടുണ്ട്.


മുന്‍ യൂത്ത് വേള്‍ഡ് ചാമ്പ്യന്‍ കൂടിയായ സാക്ഷി കസാഖ് ദിന സോളമാനെ 3-2നാണ് പരാജയപ്പെടുത്തിയത്. രണ്ടുതവണ ലോക ചാമ്പ്യനായ കസാക്കിസ്ഥാന്റെ നാസിം കിസായിബേയ് ആണ് ഫൈനലില്‍ 38കാരിയായ മേരിയുടെ എതിരാളി. ”ഞാന്‍ നേരത്തെ നസീമിനെ നേരിട്ടിട്ടുണ്ട്, കഴിഞ്ഞ രണ്ട് ടൂര്‍ണമെന്റുകളിലും അവളെ പരാജയപ്പെടുത്തിയിട്ടുണ്ട്. ഇനി അടുത്ത വെല്ലുവിളി എന്താണെന്ന് നോക്കാം” മേരി കോം പറയുന്നു.