ടോക്യോ:കോവിഡ് വ്യാപന പശ്ച്ചാത്തലത്തിൽ ഒളിമ്പിക്സ് റദ്ദാക്കണമെന്നാവശ്യപ്പെട്ട് ഓൺലൈൻ ക്യാമ്പയിൻ. ഒളിംപിക്‌സ് റദ്ദാക്കണമെന്നാവശ്യപ്പെട്ടു കഴിഞ്ഞ ദിവസം തുടങ്ങിയ ഓൺലൈൻ ക്യാംപെയ്നിൽ ആയിരക്കണക്കിനു പേർ പങ്കുചേരുന്നതായാണു റിപ്പോർട്ട്. ജൂലൈ 23നാണ് ഒളിംപിക്‌സ് തുടങ്ങുന്നത്. കൊവിഡ് വ്യാപനം ഗുരുതരമായതിനാൽ സർക്കാർ ഖജനാവിൽ നിന്നു കോടികൾ മുടക്കിയുള്ള കായിക ധൂർത്ത് വേണ്ടെന്ന വാദവുമായാണ് ഓൺലൈനിൽ നിവേദനം തയാറാകുന്നത്. ആയിരക്കണക്കിനു പേരാണു ദിവസവും ഒപ്പിട്ട് ഈ ക്യാംപെയ്‌ന് ഐക്യദാർഢ്യം പ്രഖ്യാപിക്കുന്നത്. ടോക്യോ, ഒസാക തുടങ്ങിയ ഒട്ടേറെ സംസ്ഥാനങ്ങളിൽ അടിയന്തരാവസ്ഥയാണ് ഇപ്പോൾ. 11 വരെയാണ് അടിയന്തരാവസ്ഥയെങ്കിലും നീട്ടാന്‍ സാധ്യതയുണ്ടെന്നാണു വിദഗ്ധര്‍ പറയുന്നത്. ഈ മാസം പകുതിക്കുശേഷം ജപ്പാനിലെത്തുന്ന രാജ്യാന്തര ഒളിംപിക് കമ്മിറ്റി പ്രസിഡന്റ് തോമസ് ബാക്കിനു നിവേദനം സമര്‍പ്പിക്കാനാണു പ്രതിഷേധക്കാര്‍ ഉദ്ദേശിക്കുന്നത്.