Sunday 16-Aug-2026
കൂടുതൽ കളിക്കാർക്ക് കോവിഡ്: ഐപിഎൽ മത്സരങ്ങൾ അനിശ്ചിത കാലത്തേക്ക് മാറ്റി വച്ചു
2021-05-04 By Admin
മുംബൈ: ബയോ സെക്യുര് ബബ്ള് സംവിധാനത്തിനുള്ളില് കൊവിഡ് കേസുകള് കൂടുതലായി റിപ്പോര്ട്ട് ചെയ്യപ്പെടുന്ന സാഹചര്യത്തില് ഈ വര്ഷത്തെ ഇന്ത്യന് പ്രീമിയര് ലീഗ് മത്സരങ്ങള് അനിശ്ചിത കാലത്തേക്ക് നിര്ത്തിവച്ചതായി ഇന്ത്യന് ക്രിക്കറ്റ് കണ്ട്രോള് ബോര്ഡ് (ബിസിസിഐ) അറിയിച്ചു. സണ്റൈസേഴ്സ് ഹൈദരാബാദ് താരം വൃദ്ധിമാന് സാഹ, ഡല്ഹി ക്യാപിറ്റല്സ് താരം അമിത് മിശ്ര എന്നിവര്ക്കു കൂടി ഇന്ന് കൊവിഡ് സ്ഥിരീകരിച്ചതോടെയാണ് ടൂര്ണമെന്റ് റദ്ദാക്കിയത്. സാഹയ്ക്കും മിശ്രയ്ക്കും കൊവിഡ് സ്ഥിരീകരിച്ചതോടെ, ആകെയുള്ളള എട്ടു ടീമുകളില് നാലിലും കൊവിഡ് കേസുകള് റിപ്പോര്ട്ട് ചെയ്തു. കൊല്ക്കത്ത നൈറ്റ് റൈഡേഴ്സ് താരങ്ങളായ വരുണ് ചക്രവര്ത്തി, സന്ദീപ് വാരിയര് എന്നിവര്ക്കും ചെന്നൈ സൂപ്പര് കിങ്സ് ബോളിങ് പരിശീലകന് ബാലാജിക്കും കഴിഞ്ഞ ദിവസം കൊവിഡ് സ്ഥിരീകരിച്ചിരുന്നു.