കോഴിക്കോട്: ആദ്യമായി ഐ ലീഗ് കിരീടം കേരളത്തിലെത്തിച്ച ഗോകുലം കേരള എഫ്‌സിക്ക് കരിപ്പൂർ വിമാനത്താവളത്തിൽ വന്‍ വരവേല്‍പ്പ്. വൈകിട്ട് കരിപ്പൂര്‍ വിമാനത്താവളത്തില്‍ എത്തിയ താരങ്ങളെ നിറഞ്ഞ കരഘോഷത്തോടെയാണ് ആരാധകര്‍ വരവേറ്റത്. പ്രിയ താരങ്ങളെ കാണാന്‍ കരിപ്പൂര്‍ വിമാനത്താവളത്തില്‍ ആരാധകർ കൂട്ടം കൂട്ടമായെത്തി. ഐ ലീഗ് കപ്പുമായി ടീമംഗങ്ങള്‍ എത്തിയതോടെ ആരാധകര്‍ ആവേശത്തിലായി. ഇത് സന്തോഷത്തിന്റെ നിമിഷമെന്ന് കോച്ച് വിഞ്ചെന്‍സോ ആല്‍ബര്‍ട്ടോ അനൈസോ പറഞ്ഞു. സ്വപ്നതുല്യമായ നേട്ടമെന്ന് താരങ്ങളും പ്രതികരിച്ചു.