ന്യൂഡൽഹി: ഡൽഹിയിൽ വെച്ച് നടക്കുന്ന ലോക ഷൂട്ടിംഗ് ചാമ്പ്യൻഷിപ്പിൽ 25 മീറ്റർ പിസ്റ്റൾ മത്സരത്തിൽ മൂന്നു മെഡലുകൾ കരസ്ഥമാക്കി ഇന്ത്യ. ഈ ഇനത്തിൽ ഇന്ത്യയുടെ ചിങ്കി യാദവ് സ്വർണം നേടി. ഫൈനലിൽ ഇന്ത്യയുടെ തന്നെ രാഹി സർണോബാതിനെ കീഴടക്കിയാണ് ചിങ്കി യാദവ് സ്വർണം നേടിയത്. രാഹി വെള്ളിമെഡലും മനു ഭേക്കർ ഈയിനത്തിൽ വെങ്കലവും സ്വന്തമാക്കി. ടൂർണമെന്റിൽ ആദ്യമായാണ് ഇന്ത്യ ഈയിനത്തിൽ മൂന്നു മെഡലുകളും സ്വന്തമാക്കുന്നത്. ഈ മൂന്നുപേരും ടോക്കിയോ ഒളിമ്പിക്സിന് യോഗ്യത നേടിയിട്ടുണ്ട്.