തിരുവനന്തപുരം: പൊതുമേഖലാ ബാങ്കുകളെ സ്വകാര്യവൽക്കരിക്കാനുള്ള കേന്ദ്ര നീക്കം ഉപേക്ഷിക്കണമെന്ന് ആവശ്യപ്പെട്ടുകൊണ്ട് യുണൈറ്റഡ് ഫോറം ഓഫ് ബാങ്കിങ് യൂണിയൻ ഈ മാസം 15,16 തീയതികളിൽ ബാങ്ക് പണിമുടക്ക് നടത്തും. 13,14 തീയതികളിൽ ബാങ്ക് അവധിയായതിനാൽ ഫലത്തിൽ നാല് ദിവസം ബാങ്കുകൾ അടഞ്ഞു കിടക്കും. 9 ബാങ്കുകളുടെ ദേശീയ ഐക്യ വേദിയാണ് പണിമുടക്കിന് ആഹ്വാനം ചെയ്തത്. ഇന്നും 12 ആം തീയതിയും ജീവനക്കാർ പ്രതിഷേധ മാസ്ക് ധരിച്ച് ജോലിചെയ്യാനും ആഹ്വാനം ചെയ്തിട്ടുണ്ട്.