സുരേഷ്‌ഗോപി-ജോഷി കൂട്ടുകെട്ടിന്റെ പുതിയ ചിത്രം പ്രഖ്യാപിച്ചു . 'പാപ്പൻ' എന്ന് പേരിട്ടിരിക്കുന്ന ചിത്രത്തിൽ ഗോകുൽ സുരേഷും പ്രധാന കഥാപാത്രത്തെ അവതരിപ്പിക്കുന്നു. പത്രം, ലേലം, വാഴുന്നോർ തുടങ്ങി നിരവധി ഹിറ്റ് ചിത്രങ്ങൾ ഈ കൂട്ടുകെട്ടിൽ പുറത്തിറങ്ങിയിട്ടുണ്ട്. സുരേഷ് ഗോപിയുടെ 252 ആമത്തെ ചിത്രമാണ് ഇത്. പൊറിഞ്ചു മറിയം ജോസിന് ശേഷമാണ് ജോഷി 'പാപ്പൻ' സംവിധാനം ചെയ്യുന്നത്. സണ്ണി വെയ്ൻ, വിജയരാഘവൻ, ടിനി ടോം, ഷമ്മി തിലകൻ, നൈല ഉഷ, നീത പിള്ള, ആശാ ശരത്, കനിഹ തുടങ്ങി വമ്പൻ താരനിരയാണ് ചിത്രത്തിലുള്ളത്. ആർ .ജെ ഷാൻ കഥയും തിരക്കഥയും സംഭാഷണവും ഒരുക്കുന്ന ചിത്രം നിർമിക്കുന്നത് ഡേവിഡ് കാച്ചപ്പള്ളി പ്രൊഡക്ഷൻസിന്റെ ബാനറിൽ ഡേവിഡ് കാച്ചപ്പള്ളിയാണ്.