ടെക് ഭീമനായ ആപ്പിള്‍ തങ്ങളുടെ ഐഫോണ്‍ 11 മോഡല്‍ ചെന്നൈ പ്ലാന്റില്‍ നിന്നും നിര്‍മ്മാണം ആരംഭിച്ചു. ഫോക്‌സ്‌കോണാണ് കരാര്‍ അടിസ്ഥാനത്തില്‍ ആപ്പിള്‍ ഐഫോണുകള്‍ നിര്‍മിക്കുന്നത്. മുന്‍പ് ഫോക്‌സ്‌കോണ്‍ ഐഫോണ്‍ 7, ഐഫോണ്‍ എക്സ്ആര്‍, ഐ ഫോണ്‍ എസ്ഇ, ഐ ഫോണ്‍ 6എസ് മോഡലുകള്‍ ശ്രീ പെരുമ്പുത്തൂരിലെ പ്ലാന്റില്‍ നിര്‍മിച്ചിരുന്നു. ആപ്പിളിന്റെ ലിസ്റ്റിലെ ഏറ്റവും വിലകുറഞ്ഞ ഈ ഹാന്‍ഡ്സെറ്റിന് ആരംഭ വില 42,500 രൂപയാണ്. സെപ്റ്റംബര്‍ അവസാനത്തോടെ അടുത്ത ഫ്രണ്ട്‌ലൈന്‍ ആരംഭിക്കുന്നതിനു മുമ്പ് ഐഫോണ്‍ വില്‍പ്പന വര്‍ധിപ്പിക്കുമെന്ന് റിപ്പോര്‍ട്ടുകളുണ്ട്. ഐഫോണ്‍ 11 ഫോക്സ്‌കോണിന്റെ ചെന്നൈ പ്ലാന്റിലാണ് അസംബിള്‍ പ്രക്രിയ നടത്തുക. നേരത്തേ ചൈനയിലെ പ്ലാന്റില്‍ നിന്ന് ഉത്പാദിപ്പിച്ച ഐഫോണ്‍ 11 മോഡലുകളായിരുന്നു ഇന്ത്യയടക്കമുള്ള വിപണികളിലെത്തിയിരുന്നത്.അതിന്റെ ഐഫോണ്‍ എക്‌സ്ആര്‍ മോഡലുകള്‍ക്ക് പലതവണ വില കുറവ് ഉണ്ടായി. എക്‌സ്ആര്‍ പോലുള്ള പുതിയ മോഡലുകളുടെ ഉത്പാദനം പ്രാദേശികവല്‍ക്കരിക്കുന്നത് വില കുറയ്ക്കുകയാണ് ഉണ്ടായത്. 20 ശതമാനം സ്മാര്‍ട്ട്ഫോണ്‍ ഉത്പാദനം ചൈനയില്‍ നിന്ന് ഇന്ത്യയിലേക്ക് മാറ്റാന്‍ ആപ്പിള്‍ പദ്ധതിയിട്ടിരിക്കുന്നതിനാല്‍ ഉല്‍പാദനവുമായി ബന്ധപ്പെട്ട പ്രോത്സാഹന പദ്ധതി സര്‍ക്കാര്‍ പ്രഖ്യാപിച്ചതിനാല്‍ ഒരുക്കങ്ങള്‍ പുരോഗമിക്കുകയാണ്.