കൊച്ചി: നടി ഷംന കാസിമിനെതിരായ ബ്ലാക്ക് മെയിലിംഗ് കേസിലെ പ്രധാന പ്രതി പിടിയിൽ. പാലക്കാട് സ്വദേശി ഷെരീഫാണ് അറസ്റ്റിലായത്. ഇന്ന് പുലർച്ചെ പാലക്കാട്ടു നിന്നുമാണ് പ്രതിയെ പിടികൂടിയത്. ഇതോടെ ബ്ലാക്ക് മെയിലിംഗ് കേസിലെ മുഴുവൻ പ്രതികളും അറസ്റ്റിലായി. മുഖ്യ പ്രതി ഷെരീഫിനെ കൂടാതെ റഫീഖ്, രമേശ്, ശരത്ത്, അഷ്‌റഫ്, അബൂബക്കർ, അബ്ദുൽ സലാം എന്നിവരാണ് അറസ്റ്റിലായ മറ്റു പ്രതികൾ. ഷെരീഫിനെ രഹസ്യ കേന്ദ്രത്തിൽ ചോദ്യം ചെയ്തു വരികയാണ്. മറ്റുള്ള പ്രതികളെ നാല് പോലീസ് സ്റ്റേഷനുകളിലേക്ക് മാറ്റി. ഷംനയുടെ മാതാവ് നൽകിയ പരാതിപ്രകാരമാണ് അറസ്റ്റ്. ഷംനക്ക് വിവാഹാലോചനയുമായി വന്നവർ ഒരാഴ്ച്ച കൊണ്ട് കുടുംബവുമായി എടുത്തതെന്നും ശേഷം ഒരു ലക്ഷം രൂപ തന്നില്ലെങ്കിൽ കരിയർ തകർക്കുമെന്ന് ഭീഷണിപ്പെടുത്തിയതായും ഷംനയുടെ മാതാവ് പറഞ്ഞു.