പരിയാരം: കണ്ണൂരിൽ ക്വാറന്റൈനിൽ ആയിരിക്കെ പുറത്തിറങ്ങി കറങ്ങി നടന്ന മധ്യവയസ്കനെ പോലീസ് അറസ്റ്റ് ചെയ്തു. പരിയാരം മുക്കുന്ന് സ്വദേശിയായ അൻപത്തിരണ്ടുകാരനെയാണ് പോലീസ് അറസ്റ്റ് ചെയ്തത്. ഗോവയിൽ നിന്നെത്തിയ ഇയാൾ ക്വാറന്റൈനിൽ കഴിയുകയായിരുന്നു. ഗൃഹ സന്ദർശനത്തിന്റെ ഭാഗമായി പോലീസ് വീട്ടിലെത്തിയപ്പോൾ ഇയാൾ സ്ഥലത്തുണ്ടായിരുന്നില്ല. ഇതേ തുടർന്ന് ബൈക്ക് പട്രോൾ സംഘം നടത്തിയ അന്വേഷണത്തിനൊടുവിൽ കറങ്ങി നടക്കുന്ന ഇയാളെ കണ്ടെത്തുകയായിരുന്നു. പകർച്ച വ്യാധി നിയന്ത്രണ നിയമ പ്രകാരം ഇയാൾക്കെതിരെ കേസ്സെടുത്തു.