കൊച്ചി: നഗ്ന ശരീരത്തിൽ പ്രായ പൂർത്തിയാകാത്ത കുട്ടികളെ കൊണ്ട് ചിത്രം വരപ്പിച്ച സംഭവത്തിൽ മുൻകൂർ ജാമ്യം തേടി രഹ്ന ഫാത്തിമ ഹൈക്കോടതിയെ സമീപിച്ചു. തനിക്കെതിരായ കുറ്റങ്ങൾ നിലനിൽക്കുന്നതല്ലെന്ന് രഹ്ന ഫാത്തിമ ഹൈക്കോടതിയെ ബോധിപ്പിച്ചു. ബാലാവകാശ കമ്മീഷനാണ് രഹ്ന ഫാത്തിമക്കെതിരെ കേസ്സെടുക്കാൻ ഉത്തരവിട്ടിരിക്കുന്നത്. അതേസമയം വ്യാഴാഴ്ച്ച ഇവരുടെ കൊച്ചിയിലെ വീട്ടിൽ പോലീസ് റെയ്ഡ് നടത്തി ലാപ് ടോപ്, പെയിന്റ് ചെയ്യാൻ ഉപയോഗിച്ച ബ്രഷ്, ചായം എന്നിവ പിടിച്ചെടുത്തു. പോലീസ് എത്തിയപ്പോൾ ഇവർ സ്ഥലത്തുണ്ടായിരുന്നില്ല. കോഴിക്കോടിന് പോയിരിക്കുകയാണെന്നാണ് ഭർത്താവ് അറിയിച്ചത്.