കൊച്ചി: നടിയെ ആക്രമിച്ച കേസിൽ വാദം കേൾക്കുന്ന വനിതാ ജഡ്ജിയുടെ സ്ഥലം മാറ്റ ഉത്തരവ് ഹൈക്കോടതി മരവിപ്പിച്ചു. ജഡ്ജിയായ ഹണി എം. വർഗീസിന്റെ സ്ഥലം മാറ്റ ഉത്തരവാണ് മരവിപ്പിച്ചത്. കോഴിക്കോട് പോക്സോ കോടതിയിലേക്കായിരുന്നു ഇവരെ സ്ഥലം മാറ്റിയത്. അടുത്ത മാസം ഒന്നിന് കോഴിക്കോട് പോക്സോ കോടതിയിൽ ചുമതല ഏൽക്കണമെന്നായിരുന്നു ഉത്തരവ്. ഹൈക്കോടതി ഉത്തരവ് പ്രകാരമാണ് നടിയെ ആക്രമിച്ച കേസ് വനിതാ ജഡ്ജി ഉൾപ്പെടുന്ന പ്രത്യേക കോടതിയിൽ വാദം ആരംഭിച്ചത്. ഇനി ഈ കേസിന്റെ വിചാരണക്ക് ശേഷമായിരിക്കും സ്ഥലം മാറ്റ ഉത്തരവ് പ്രാബല്യത്തിലാവുക.