ധാക്ക: മുൻ ബംഗ്ലാദേശ് ക്രിക്കറ്റ് താരം നഫീസ് ഇക്‌ബാലിന് കോവിഡ് സ്ഥിരീകരിച്ചു. ബംഗ്ലാദേശ് ക്രിക്കറ്റ് താരം തമീം ഇഖ്‌ബാലിന്റെ മൂത്ത സഹോദരനാണ് നഫീസ്. നഫീസ് ഇപ്പോൾ ചിറ്റഗോങ്ങിലെ വീട്ടിൽ ഐസൊലേഷനിലാണെന്ന് ഒരു ബംഗ്ലാദേശ് മാധ്യമം റിപ്പോർട്ട് ചെയ്തു. ബംഗ്ലാദേശിനായി 11 ടെസ്റ്റുകളും 16 ഏകദിനങ്ങളും കളിച്ചിട്ടുണ്ട്.ടെസ്റ്റിൽ 518 റൺസും ഏകദിനത്തിൽ 309 റൺസും നേടിയിട്ടുണ്ട്. 2003 ലാണ് നഫീസ് ബംഗ്ലാദേശിനായി അരങ്ങേറിയത്. 2006 വരെ രാജ്യത്തിനു വേണ്ടി കളിച്ചു. നേരത്തെ ബംഗ്ലാദേശ് മുൻ ഫസ്റ്റ് ക്ലാസ് ക്രിക്കറ്റർ ആശിഖുർ റഹ്‌മാനും കോവിഡ് സ്ഥിരീകരിച്ചിരുന്നു.