സ്വർണം എക്കാലത്തെയും ഉയർന്ന വിലയിലെത്തി. ഒരു പവൻ സ്വർണത്തിന്റെ വില 35,400 രൂപയായി. ഗ്രാമിന് 4425 രൂപ. വെള്ളിയാഴ്ച്ച വൈകിട്ട് 120 രൂപ കൂടി 35,240 രൂപയിൽ എത്തിയിരുന്നു. ശനിയാഴ്ച്ച വീണ്ടും 160 രൂപ വർധിച്ച് 35,400 രൂപയിലെത്തി. ഈ വർഷം മാത്രം സ്വർണത്തിന്റെ വിലയിൽ പവന് 6,400 രൂപ വർധിച്ചു. 29 ,000 രൂപയായിരുന്നു ജനുവരി ഒന്നിന് സംസ്ഥാനത്തെ സ്വർണ വില. കോവിഡ് പ്രതിസന്ധി തുടരുന്നതും രൂപയുടെ മൂല്യത്തിലുണ്ടായ ഇടിവുമാണ് വില വർധനക്ക് കാരണം.