തിരുവനന്തപുരം: സംസ്ഥാന സർക്കാരിന്റെ സൗജന്യ ഭക്ഷ്യ കിറ്റ് വിതരണം ശനിയാഴ്ച്ച വരെ നീട്ടി. റേഷൻ കടകളിൽ നിന്നും ഭക്ഷ്യ കിറ്റ് വാങ്ങാൻ കഴിയാത്തവർക്ക് ജൂൺ 20 വരെ സപ്ലൈകോ സൂപ്പർമാർക്കറ്റുകൾ, മാവേലി സ്റ്റോറുകൾ എന്നിവിടങ്ങളിൽ നിന്നും വാങ്ങാം. കിറ്റ് വാങ്ങാൻ വരുന്നവർ റേഷൻ കാർഡ് കരുതണം. ഏകദേശം രണ്ടു ലക്ഷത്തോളം പേരാണ് സൗജന്യ കിറ്റ് വാങ്ങാത്തവർ. മെയ് 26 നാണു റേഷൻ കട വഴിയുള്ള കിറ്റ് വിതരണം അവസാനിച്ചത്. 87.28 ലക്ഷം കാർഡ് ഉടമകളിൽ 84.48 ലക്ഷം പേർ കിറ്റ് വാങ്ങി. ബാക്കി വന്ന 1.71 ലക്ഷം കിറ്റുകൾ സപ്ലൈകോ തിരിച്ചെടുത്തു. നീല കാർഡുകാരാണ് ഏറ്റവും കൂടുതൽ വാങ്ങാനുള്ളത്.