മുംബൈ: ബോളിവുഡ് നടൻ സുശാന്ത് ആത്മഹത്യ ചെയ്യില്ലെന്ന് ബന്ധുക്കൾ. സുശാന്തിന്റെ മരണത്തിൽ ദുരൂഹത ഉള്ളതായും ബന്ധുക്കൾ ആരോപിച്ചു. സുശാന്ത് ആത്മഹത്യ ചെയ്യില്ലെന്നും മരണം കൊലപാതകമാണോ എന്ന് സംശയം ഉള്ളതായും സുശാന്തിന്റെ അമ്മാവൻ മാധ്യമങ്ങളോട് പറഞ്ഞു. നടന്റെ സംസ്കാര ചടങ്ങുകൾ മുംബൈയിലെ ജൂഹുവിൽ നടക്കുമെന്നും ബന്ധുക്കൾ അറിയിച്ചു. കഴിഞ്ഞ ദിവസം രാവിലെ സുശാന്തിന്റെ ബാന്ദ്രയിലെ വസതിയിലാണ് മരിച്ച നിലയിൽ കണ്ടെത്തിയത്. 34 വയസ്സായിരുന്നു. ആത്മഹത്യയാണെന്നാണ് പോലീസിന്റെ പ്രാഥമിക നിഗമനം.