തിരുവനന്തപുരം: തലച്ചോറിലെ രക്തസ്രാവത്തെ തുടർന്ന് മെഡിക്കൽ കോളേജ് ആശുപത്രിയിൽ പ്രവേശിപ്പിച്ച മന്ത്രി എം. എം. മണിയെ ശസ്ത്രക്രിയക്കു വിധേയനാക്കി. ശസ്ത്രക്രിയക്ക് ശേഷം അദ്ദേഹത്തിന്റെ ആരോഗ്യ നില തൃപ്തികരമാണെന്നും കുറച്ച് നാൾ വിശ്രമം വേണ്ടിവരുമെന്നും ആശുപത്രി അധികൃതർ വ്യക്തമാക്കി. വെള്ളിയാഴ്ച്ചയാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. വിശദ പരിശോധനക്ക് ശേഷമാണ് ശസ്ത്രക്രിയ വേണമെന്ന് ഡോക്ടർമാർ വ്യക്തമാക്കിയത്.