ചാലക്കുടി: ഒരു കിലോയിലധികം കഞ്ചാവുമായി സിനിമ-സീരിയൽ നടിയും കാർ ഡ്രൈവറും അറസ്റ്റിൽ. ചാലക്കുടി ബസ് സ്റ്റാൻഡിനു സമീപത്ത് നിന്നാണ് ഇവരെ പിടികൂടിയത്. കോട്ടയം വെച്ചൂർ സരിതാലയത്തിൽ സരിത സലിം (28), കാർ ഡ്രൈവർ പട്ടാമ്പി സ്വദേശി സുധീർ (45) എന്നിവരാണ് അറസ്റ്റിലായത്. സിനിമ-സീരിയൽ നടിയായ യുവതി ഇപ്പോൾ എറണാകുളം എളമക്കരയിൽ വാടകക്കാണ് താമസിക്കുന്നത്. ഡി.വൈ.എസ്.പി സി.ആർ.സന്തോഷിന്റെ നേതൃത്വത്തിലുള്ള ക്രൈം സ്‌ക്വാഡ് കെ.എസ്.ആർ.ടി.സി.ബസ് സ്റ്റാൻഡ് കേന്ദ്രീകരിച്ച് പരിശോധന നടത്തുന്നതിനിടെ സംശയാസ്പദമായി നിർത്തിയിട്ടിരിക്കുന്ന കാർ പരിശോധിച്ചപ്പോഴാണ് അതിലെ യാത്രക്കാരിയുടെ ബാഗിൽ നിന്നും കഞ്ചാവ് കണ്ടെടുത്തത്.