ന്യൂഡൽഹി: രാജ്യത്ത് കോവിഡ് രോഗികളുടെ എണ്ണം ദിനംപ്രതി വർധിക്കുന്നു. കഴിഞ്ഞ 24 മണിക്കൂറിനിടെ 9996 പേർക്കാണ് പുതുതായി കോവിഡ് ബാധിച്ചത്. 357 പേർ മരിക്കുകയും ചെയ്തു. ഇതോടെ ഇന്ത്യയിലെ ആകെ രോഗികളുടെ എണ്ണം 2.8 ലക്ഷം കടന്നു. മരണപ്പെട്ടവരുടെ സംഖ്യ 8102 ആയി. തുടർച്ചയായ ഒൻപതാം ദിവസവും പ്രതിദിന മരണം ഒൻപതിനായിരത്തിനു മുകളിലാണ്. മഹാരാഷ്ട്രയിലാണ് ഏറ്റവും കൂടുതൽ രോഗികളും മരണവും റിപ്പോർട്ട് ചെയ്തിരിക്കുന്നത്. സംസ്ഥാനത്ത് 94000 പേർക്ക് ഇതുവരെ രോഗം ബാധിച്ചു. 3254 കേസുകളാണ് കഴിഞ്ഞ ദിവസം റിപ്പോർട്ട് ചെയ്തത്. മഹാരാഷ്ട്രയിൽ 3438 പേർ ഇതുവരെ മരിച്ചിട്ടുണ്ട്. സംസ്ഥാനത്ത് റിപ്പോർട്ട് ചെയ്യുന്ന രോഗികളിലും മരണങ്ങളിലും ഭൂരിഭാഗവും മുംബൈയിലാണ്.