ന്യൂഡൽഹി: ബി.ജെ.പി നേതാവ് ജ്യോതിരാദിത്യ സിന്ധ്യക്കും മാതാവ് മേധാവി രാജെ സിന്ധ്യക്കും കോവിഡ് 19 സ്ഥിരീകരിച്ചു. ഇവരെ കോവിഡ് ലക്ഷണങ്ങളോടെ ഡൽഹിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ചൊവ്വാഴ്ച്ചയാണ് ചുമയും തൊണ്ടവേദനയും പനിയും കാരണം ഡൽഹിയിലെ മാക്സ് ആശുപത്രിയിൽ രണ്ടുപേരെയും പ്രവേശിപ്പിച്ചത്. കോൺഗ്രസ്സിന്റെ ദേശീയ നേതാവായിരുന്ന സിന്ധ്യ ഈയിടെയാണ് പാർട്ടി വിട്ട് ബി ജെ പിയിൽ ചേർന്നത്. തന്റെ കൂടെയുള്ള 22 എം.എൽ.എ മാരെ കൂട്ടുപിടിച്ച് മധ്യപ്രദേശ് സർക്കാരിനെ അട്ടിമറിച്ച സിന്ധ്യ അടുത്ത് നടക്കുന്ന രാജ്യസഭാ തെരഞ്ഞെടുപ്പിൽ ബി ജെ പി സ്ഥാനാർഥിയായി മത്സരിക്കുന്നുണ്ട്.