കൊച്ചി: മിന്നൽ മുരളി സിനിമയിലെ സെറ്റ് തകർത്ത കേസിലെ മുഖ്യ സൂത്രധാരൻ പിടിയിൽ. രണ്ടാം പ്രതി കാലടി മാണിക്കമംഗലം വടക്കിനി മാരാത്ത് കൃഷ്ണദാസാണ് (28 ) അറസ്റ്റിലായത്. നിരവധി മോഷണക്കേസിൽ  പ്രതിയായ ഇയാളെ പെരുമ്പാവൂർ നിന്നാണ് അറസ്റ്റ് ചെയ്തത്. എ.ടി.എം തകർത്ത് പണം അപഹരിക്കാൻ ശ്രമിച്ചതിന് കൊരട്ടി, ആലുവ സ്റ്റേഷനുകളിലും മാരകായുധങ്ങൾ കൈവശം വെച്ചതിന് കാലടി സ്റ്റേഷനിലും ഇയാൾക്കെതിരെ കേസുണ്ട്. സ്വകാര്യ സ്വത്തിനുള്ള നാശനഷ്ടം തടയൽ, നഷ്ടപരിഹാരം നൽകൽ, മതസ്പർദ്ധ ഉണ്ടാക്കുന്ന തരത്തിലുള്ള പ്രവർത്തനങ്ങൾ, എപ്പീഡമിക് ഡിസീസസ് ഓർഡിനൻസ്, ഗൂഡാലോചന, മോഷണം എന്നീ കുറ്റങ്ങൾ പ്രതികൾക്കെതിരെ ചുമത്തിയിട്ടുണ്ട്. സെറ്റ് തകർത്തതുമായി ബന്ധപ്പെട്ട് നേരത്തെ 5 പേരെ അറസ്റ്റ് ചെയ്തിരുന്നു.