മുംബൈ: മുൻ ബോളിവുഡ് നിർമ്മാതാവ് അനിൽ സുരി(77) കോവിഡ് ബാധിച്ച് ചികിത്സയിലിരിക്കെ മരണപ്പെട്ടു. മുംബൈയിലെ അഡ്വാൻസ്ഡ് മൾട്ടി സ്പെഷ്യലിറ്റി ഹോസ്പിറ്റലിലായിരുന്നു അന്ത്യം. സഹോദരൻ രാജീവ് സുരിയാണ് അദ്ദേഹത്തിന് കൊറോണ ഉണ്ടായിരുന്നു എന്ന വിവരം മാധ്യമങ്ങളെ അറിയിച്ചത്. അനിൽ സുരിക്ക് ജൂൺ രണ്ടു മുതൽ പനി ഉണ്ടായിരുന്നു . അടുത്ത ദിവസമായപ്പോഴേക്കും അദ്ദേഹത്തിന്റെ ആരോഗ്യ സ്ഥിതി വഷളാവുകയും ശ്വാസ തടസ്സം അനുഭവപ്പെടുകയും ചെയ്തു. തുടർന്ന് അദ്ദേഹത്തെ മൾട്ടി സ്പെഷ്യലിറ്റി ആശുപത്രിയിൽ അഡ്മിറ്റ് ചെയ്യുകയും ചെയ്തതായി സഹോദരൻ പറഞ്ഞു. അസുഖം കൂടിയതിനെ തുടന്ന് വ്യാഴാഴ്ച്ച അരുൺ സുരിയെ വെന്റിലേറ്ററിലേക്ക് മാറ്റിയിരുന്നു. വൈകിട്ട് ഏഴുമണിയോടെ മരണത്തിനു കീഴടങ്ങി. രാജ് തിലക്, കർമ്മയോഗി തുടങ്ങി പഴയകാല ഹിന്ദി സൂപ്പർഹിറ്റ് സിനിമകൾ അനിൽ സുരി നിർമ്മിച്ചിട്ടുണ്ട്.