ന്യൂഡൽഹി: കോവിഡ് പശ്ച്ചാത്തലത്തിൽ മാറ്റി വച്ച സിവിൽ സർവീസ് പ്രിലിമിനറി പരീക്ഷാ തീയതി യൂണിയൻ പബ്ലിക് സർവീസ് കമ്മീഷൻ പ്രഖ്യാപിച്ചു. ഒക്ടോബർ നാലിനാണ് പരീക്ഷ. മെയിൻ പരീക്ഷ 2021 ജനുവരി എട്ടിനാണ്. ഇന്ത്യൻ ഫോറസ്ററ് സർവീസസ് പ്രിലിമിനറി പരീക്ഷയും ഇതോടൊപ്പം നടക്കും. 2021 ഫെബ്രുവരി 28 നാകും മെയിൻ പരീക്ഷ. കോവിഡ് പശ്ചാത്തലത്തിലുള്ള നിയന്ത്രണങ്ങൾ പാലിച്ചാകും പരീക്ഷ നടത്തുകയെന്നും ഹാൾ ടിക്കറ്റ് എത്രയും വേഗം പ്രസിദ്ധീകരിക്കാനുള്ള നടപടികൾ ആരംഭിച്ചിരിക്കുകയാണെന്നും അധികൃതർ അറിയിച്ചു.ഇന്ത്യൻ എക്കണോമിക്സ് സർവീസസ്/സ്റ്റാറ്റിസ്റ്റിക്കൽ പരീക്ഷ ഒക്ടോബർ 16 നു നടക്കും. ജൂൺ 10 ന് വിജ്ഞാപനം ഇറങ്ങും. എൻ.ഡി.എ/എൻ.എ പരീക്ഷ സെപ്റ്റംബർ ആറിന് നടക്കും. കംബൈൻഡ് മെഡിക്കൽ സർവീസസ് പരീക്ഷ ഒക്ടോബർ 22 നും സെൻട്രൽ ആംഡ് പോലീസ് ഫോഴ്സസ് പരീക്ഷ ഡിസംബർ 20 നും നടക്കും. വിജ്ഞാപനം യഥാക്രമം ജൂലൈ 22, ആഗസ്ത് 18 എന്നീ തീയതികളിലാണ്.