തിരുവനന്തപുരം: പാലക്കാട് ആന ചരിഞ്ഞ സംഭവത്തിൽ വർഗീയ ധ്രുവീകരണത്തിനുള്ള ശ്രമം നടക്കുന്നതായി കോടിയേരി ബാലകൃഷ്ണൻ. മത നിരപേക്ഷ സംസ്ഥാനയായ കേരളത്തെ ദേശീയ തലത്തിൽ അപമാനിക്കാനും കേരളത്തിന്റെ അടിത്തറ തകർക്കാനും, അമേരിക്കയിൽ നടക്കുന്നതുപോലുള്ള വംശീയ കലാപങ്ങൾ ശ്രഷ്ടിക്കാനുമാണ് ആർ.എസ്.എസ്. ശ്രമിക്കുന്നതെന്നും അദ്ദേഹം പറഞ്ഞു. ആന ചരിഞ്ഞ സംഭവം ഏറെ ദുഖിപ്പിക്കുന്നതാണ്. നടക്കാൻ പാടില്ലാത്തതാണ് നടന്നത്. ഈ വിഷയം കേരളത്തിൽ ഏറെ ചർച്ചക്കിടയാക്കി. വിഷയത്തിൽ സമഗ്രമായ അന്വേഷണം നടക്കേണ്ടതുണ്ട്. എന്നാൽ ഈ വിഷയത്തിൽ വർഗീയ പ്രചാരണത്തിന് കളമൊരുക്കാൻ ചില ദുഷ്ട ശക്തികൾ ശ്രമിക്കുന്നുണ്ട്. അവർക്കെതിരെ ജാഗ്രത പാലിക്കണമെന്നും കോടിയേരി ബാലകൃഷ്ണൻ ആവശ്യപ്പെട്ടു.