തിരുവനന്തപുരം: ബുധനാഴ്ച്ച  മുതൽ അന്തർ ജില്ലാ ബസ് സർവീസ് ആരംഭിക്കുമെന്ന് ഗതാഗത മന്ത്രി എ.കെ.ശശീന്ദ്രൻ. നിലവിൽ വർധിപ്പിച്ച ചാർജ് കുറയ്ക്കും. കണ്ടൈൻമെൻറ് സോണുകളിൽ ബസ്സുകൾ നിർത്തുകയോ യാത്രക്കാരെ കയറ്റുകയോ ഇല്ല. രാവിലെ 5 മണിമുതൽ രാത്രി 9 മണി വരെയാണ് സർവീസ് നടത്തുക. എല്ലാ ബസിലും സാനിറ്റൈസർ സ്ഥാപിക്കും. യാത്രക്കാരും ജീവനക്കാരും ആവശ്യമായ സുരക്ഷ എടുക്കണം. മൂന്നു ഘട്ടമായാണ് ബസ് സർവീസുകൾ ആരംഭിക്കുന്നത്. ആദ്യ ഘട്ടം ജില്ലക്കകത്തുള്ള ലോക്കൽ സർവീസുകൾ ആരംഭിച്ചു. രണ്ടാം ഘട്ടമായി അന്തർ ജില്ലാ സർവീസുകൾ നാളെ മുതൽ ആരംഭിക്കും. മൂന്നാം ഘട്ടമായി ദീർഘദൂര സർവീസുകൾ ആരംഭിക്കും. അതിനു ശേഷം അന്തർ സംസ്ഥാന സർവീസുകൾ ആരംഭിക്കുമെന്നും മന്ത്രി പറഞ്ഞു.