കോട്ടയം: നടി മിയ ജോർജ് വിവാഹിതയാകുന്നു. കോട്ടയം സ്വദേശിയായ അശ്വിൻ ഫിലിപ്പ് ആണ് വരൻ. കഴിഞ്ഞ ദിവസം അശ്വിന്റെ വീട്ടിൽവെച്ച് വിവാഹ നിശ്ചയം നടന്നു. ബിസിനസുകാരനാണ് അശ്വിൻ. വീട്ടുകാർ നിശ്ചയിച്ച് ഉറപ്പിച്ച കല്യാണമാണ്. സെപ്റ്റംബറിലാണ് വിവാഹം.
      പാലാ സ്വദേശി ജോർജിന്റെയും മിനിയുടെയും മകളാണ് മിയ. അൽഫോൻസാമ്മ ടെലി ഫിലിമിലൂടെ ടെലിവിഷൻ സീരിയൽ രംഗത്തും പിന്നീട് സിനിമയിലുമെത്തി. രാജസേനൻ സംവിധാനം ചെയ്ത ഒരു സ്മാൾ ഫാമിലി ആണ് ആദ്യ ചിത്രം. 'ചേട്ടായീസ്' സിനിമയിലാണ് ആദ്യ നായിക കഥാപാത്രം ചെയ്തത്. റെഡ്‌വൈൻ, അനാർക്കലി, മെമ്മറീസ്, വിശുദ്ധൻ, പട്ടാഭിരാമൻ, പാവാട, ബോബി, ബ്രദേഴ്‌സ് ഡേ തുടങ്ങി നിരവധി മലയാള ചിത്രങ്ങളിലും, തമിഴ് സിനിമയിലും അഭിനയിച്ചിട്ടുണ്ട്. ഒരു തമിഴ് ചിത്രം റിലീസ് ചെയ്യാനുണ്ട്.