തിരുവനന്തപുരം: ആനാട് ഗ്രാമപഞ്ചായത്തിൽ അടുത്ത ഒരാഴ്ച്ചത്തേക്ക് സമ്പൂർണ്ണ ലോക്ക്ഡൗണിനു നിർദ്ദേശം. കഴിഞ്ഞ ദിവസം ആനാട് സ്വദേശിയായ വ്യക്തിക്ക് കോവിഡ് സ്ഥിരീകരിച്ചതിനെ തുടർന്നാണ് ലോക്ക്ഡൗണിനു നിർദ്ദേശം. പെയിന്റിങ് തൊഴിലാളിയായ ഇയാൾ ഈ മാസം 27 നു തമിഴ്‌നാട്ടിൽ പോയതായി സ്ഥിരീകരിച്ചിട്ടുണ്ട്. സുഹൃത്തുക്കളുമായി മദ്യപിക്കുന്നതിനിടെ അമിതമായി ഛർദ്ദിക്കുകയും കുഴഞ്ഞു വീഴുകയും ചെയ്തു. തുടർന്ന് ഇയാളെ നെടുമങ്ങാട് ജില്ലാ ആശുപത്രിയിൽ പ്രവേശിപ്പിച്ചു. ജില്ലാ ആശുപത്രിയിലെ പരിശോധനയിൽ രോഗ ലക്ഷണങ്ങൾ കണ്ടതിനെ തുടന്ന് മെഡിക്കൽ കോളേജിലേക്ക് അയച്ചു. മെഡിക്കൽ കോളേജിലെ പരിശോധനയിൽ ഇയാൾക്ക് രോഗം സ്ഥിരീകരിക്കുകയായിരുന്നു. ഇദ്ദേഹത്തെ ജില്ലാ ആശുപത്രിയിൽ പരിശോധിച്ച ഡോക്ടർമാർ അടക്കം ഡ്യൂട്ടിയിലുണ്ടായിരുന്ന ജീവനക്കാരെ നിരീക്ഷണത്തിലാക്കിയിട്ടുണ്ട്. ഇയാൾക്ക് എവിടെ നിന്നാണ് രോഗം വന്നതെന്ന് വ്യക്തമല്ല. വിശദ വിവരങ്ങൾ അധികൃതർ തയാറാക്കി വരുന്നു.