തിരുവനന്തപുരം: രാജ്യത്ത് ഗാർഹിക പാചക വാതക വില വർധിപ്പിച്ചു. സിലിണ്ടറിന് 11 രൂപ 50 പൈസയാണ് കൂട്ടിയത്. ഇതോടെ ഒരു സിലിണ്ടറിന്റെ വില 597 രൂപയായി. കൂട്ടിയ വില ഉപഭോക്താക്കൾക്ക് സബ്സിഡിയായി ലഭിക്കും. ഗാർഹികേതര സിലിണ്ടറിന് 109 രൂപ കൂടിയതോടെ വില 1125 രൂപയായി. കൂട്ടിയ വില ഇന്നുമുതൽ പ്രാബല്യത്തിൽ വന്നു. രാജ്യാന്തര വിപണിയിൽ എണ്ണ വില വർധിച്ചതാണ് പാചകവാതക വില കൂടാൻ കാരണമെന്നാണ് എണ്ണക്കമ്പനികളുടെ വിശദീകരണം. എന്നാൽ രാജ്യാന്തര വിപണിയിൽ എണ്ണ വില കുത്തനെ കുറഞ്ഞപ്പോഴും പാചകവാതക വില കുറച്ചിരുന്നില്ല. ഇപ്പോഴും അന്താരാഷ്ട്ര വിപണിയിൽ എണ്ണവില താഴ്ന്നു തന്നെയാണ് നിൽക്കുന്നത്.