കൊല്ലം: കൊല്ലത്ത് പത്ത് ദിവസം പ്രായമായ കുഞ്ഞിന് കോവിഡ്. കോവിഡ് ബാധിച്ച് പാരിപ്പള്ളി മെഡിക്കൽ കോളേജിൽ ചികിത്സയിലിരിക്കുന്ന കല്ലുവാതുക്കൽ സ്വദേശിയായ യുവതിയുടെ കുഞ്ഞിനാണ് കോവിഡ് സ്ഥിരീകരിച്ചത്. പൂർണ ഗർഭിണിയായിരുന്ന ഇവരെ രോഗം സ്ഥിരീകരിച്ച് ആശുപത്രിയിൽ പ്രവേശിപ്പിച്ച് ചികിത്സയിലിരിക്കെ അടിയന്തിര ശാസ്ത്രക്രിയയിലൂടെയാണ് കുഞ്ഞിന് ജന്മം നൽകിയത്. കൊല്ലം ജില്ലയിൽ രോഗം സ്ഥിരീകരിച്ചവരിൽ ഏറ്റവും പ്രായം കുറഞ്ഞ വ്യക്തിയാണ് പത്ത് ദിവസം പ്രായമായ കുഞ്ഞ്.