ദുബായ്: ഗൾഫിൽ കോവിഡ് ബാധിച്ച് മലയാളികൾ മരിക്കുന്നത് വർധിക്കുന്നതോടെ പ്രവാസികൾക്കിടയിലും നാട്ടിലുള്ള ബന്ധുക്കളിലും ആശങ്ക വർധിക്കുന്നു. ഇതുവരെ 153 മലയാളികൾ ഗൾഫു നാടുകളിൽ മരണപ്പെട്ടു. യു.എ.ഇ യിലും സൗദി അറേബിയയിലുമാണ് ഏറ്റവും കൂടുതൽ മലയാളികൾ മരണപ്പെട്ടത്. ഗൾഫ് നാടുകളിൽ കോവിഡ് ബാധിച്ച് മരണപ്പെട്ട 1043 പേരിൽ 153 ഉം മലയാളികളാണ്. ഇതാണ് കൂടുതൽ ആശങ്കയിലാഴ്ത്തുന്നത്. യുഎഇ-91, സൗദി-34, കുവൈറ്റ്-25, ഒമാൻ-2, ഖത്തർ-1, എന്നിങ്ങനെയാണ് മരണസംഖ്യ. താരതമ്യേന മരണ നിരക്ക് കുറഞ്ഞ ബഹറിനിൽ ഇതുവരെ മലയാളികൾ ആരും മരിച്ചിട്ടില്ല. ഗൾഫിൽ കൂടുതൽ മലയാളികൾ രോഗ ലക്ഷണങ്ങളോടെ വിവിധ ആശുപത്രികളിൽ ചികിത്സയിലുണ്ട്.