തിരുവനന്തപുരം: തിരുവനന്തപുരം ജില്ലയിലെ ഹോട്ട്സ്പോട്ടുകളെ സംബന്ധിച്ചുള്ള ഉത്തരവ് നിലവിൽ വന്നു. പുതുതായി കൂട്ടിച്ചെർത്തവ ഉൾപ്പെടെയുള്ള ലിസ്റ്റ് ആണ് നിലവിൽ വന്നത്. തിരുവനന്തപുരം ജില്ലയിലെ വാമനപുരം, പുല്ലമ്പാറ, നെല്ലനാട്, പുളിമാത്ത്, മുദാക്കൽ, മാണിക്കൽ എന്നീ പഞ്ചായത്തുകളിലെ മുഴുവൻ വാർഡുകളും ഹോട്ട്സ്പോട്ടായി. കൂടാതെ നാവായിക്കുളം പഞ്ചായത്തിലെ 3,4,13 വാർഡുകളും, കുളത്തുർ പഞ്ചായത്തിലെ 9,10,11,12,13,14 എന്നീ വാർഡുകളിൽ മാത്രമായി ചുരുക്കിയും കാരോട് പഞ്ചായത്തിലെ 14,15 വാർഡുകളെയുമാണ് ഹോട്സ്പോട്ടായി പ്രഖ്യാപിച്ച് കളക്ടർ ഉത്തരവിറക്കിയത്. ഹോട്ട്സ്പോട്ട് ആയി പ്രഖ്യാപിച്ച പ്രദേശങ്ങളിൽ കർശന നിയന്ത്രണങ്ങൾ നിലവിൽ വരും.