തിരുവല്ല: കേരളത്തൽ നിന്ന് ബീഹാറിലേക്ക് പോകേണ്ട ശ്രമിക് ട്രെയിൻ അവസാന നിമിഷം റദ്ദാക്കിയതോടെ പത്തനംതിട്ടയുടെ വിവിധ പ്രദേശങ്ങളിൽ നിന്നും ബീഹാറിലേക്ക് പോകേണ്ട അതിഥി തൊഴിലാളികളുടെ പ്രതിഷേധം. കോഴഞ്ചേരി പുല്ലാട്, അടൂർ ഏനാത്ത്, ആനപ്പാറ എന്നിവിടങ്ങളിലാണ് അതിഥി തൊഴിലാളികൾ പ്രതിഷേധിച്ച് പ്രകടനം നടത്താൻ ഒരുങ്ങിയത്. ഇവരെ പോലീസ് ലാത്തി വീശി ഓടിച്ചു വിട്ടു.
      പത്തനംതിട്ട ജില്ലയിൽ നിന്നും 1500പേർക്ക് ബീഹാറിലേക്ക് പോകേണ്ട സൗകര്യങ്ങളാണ് ജില്ലാ ഭരണകൂടം ചെയ്തിരുന്നത്. ഭക്ഷണം അടക്കം റെയിൽവേ സ്റ്റേഷനിലേക്ക് വാഹന സൗകര്യവും ചെയ്തിരുന്നു. എല്ലാ ക്രമീകരണങ്ങളും ഒരുക്കിയ ശേഷമാണ് ഇന്ന് പുറപ്പെടേണ്ട ട്രെയിൻ നാളെയെ പുറപ്പെടു എന്ന അറിയിപ്പ് ഉണ്ടായത്. ഇതേ തുടർന്നാണ് വിവിധ സ്ഥലങ്ങളിൽ തൊഴിലാളികൾ പ്രതിഷേധിച്ചത്.