അബുദാബി: കോവിഡ് ബാധിച്ച് ഗൾഫിൽ മൂന്ന് മലയാളികൾ കൂടി മരിച്ചു. സൗദി അറേബ്യയിൽ ഒരാളും യുഎഇ യിൽ രണ്ടുപേരുമാണ് മരിച്ചത്. സൗദിയിലെ അൽഖോബാറിൽ ഹൗസ് ഡ്രൈവറായി ജോലി ചെയ്തു വരികയായിരുന്ന കോഴിക്കോട് പെരുമണ്ണ സ്വദേശി അബ്ദുൽ ഖാദറാണ് (55 ) സൗദിയിൽ മരിച്ചത്. 
മലപ്പുറം എടപ്പാൾ സ്വദേശി മൊയ്‌തുട്ടി (50) അബുദാബിയിൽ മരിച്ചു. കേരള സാംസ്കാരിക വേദി പ്രവർത്തകനായിരുന്നു. 
മലപ്പുറം കടുങ്ങാപുരം സ്വദേശി ശാഹുൽ ഹമീദ് (37) അജ്മാനിൽ മരിച്ചു. കോവിഡ് ബാധിച്ച് അജ്‌മാൻ ഖലീഫ ആശുപത്രിയിൽ ചികിത്സയിലായിരുന്ന ശാഹുൽ ഹമീദ് ഹൃദയാഘാതത്തെ തുടർന്നാണ് മരണപ്പെട്ടത്.