വെഞ്ഞാറമൂട്: കോവിഡ് സ്ഥിരീകരിച്ച വെഞ്ഞാറമൂട് സ്വദേശിയായ റിമാൻഡ് പ്രതിയുടെ റൂട്ട് മാപ്പ് പുറത്തുവിട്ടു. മെയ് 11 മുതൽ 24 വരെ ഇയാൾ സഞ്ചരിച്ച റൂട്ട് മാപ്പാണ് പ്രസിദ്ധീകരിച്ചത്. ഇയാളുടെ സമ്പർക്ക പട്ടികയിലുള്ള ഭൂരിഭാഗം പേരെയും തിരിച്ചറിഞ്ഞിട്ടുണ്ട്. പാപ്പനംകോട് മുതൽ പുളിമാത്ത് വരെ നീളുന്ന വലിയ പട്ടികയാണ് ഇയാൾക്കുള്ളത്. സങ്കീർണമായ പട്ടികയായതിനാൽ തന്നെ ഇയാളുമായി ബന്ധപ്പെട്ടവരോ സംശയങ്ങൾ ഉള്ളവരോ 1077, 1056, 04712466828 എന്നീ നമ്പറുകളിൽ ബന്ധപ്പെടണം. 
    ഇയാളുമായി സമ്പർക്കം പുലർത്തിയ വെഞ്ഞാറമൂട് സർക്കിൾ ഉൾപ്പെടെ നിരവധി പേർ നിരീക്ഷണത്തിലാണ്. ഇയാളുടെ തുടർന്നുള്ള രണ്ട് പരിശോധനാ ഫലങ്ങളും നെഗറ്റിവ് ആണ്. തുടർന്നുള്ള ഒരു ഫലവും കൂടി ലഭിച്ചാലേ ഇക്കാര്യത്തിൽ അന്തിമ തീരുമാനം ആവുകയുള്ളൂ. ഇദ്ദേഹത്തിന് കോവിഡ് സ്ഥിരീകരിച്ചതോടെ വാമനപുരം സ്വദേശിയായ ഒരാൾക്കും ആനച്ചൽ സ്വദേശിയായ ഒരാൾക്കും വ്യാഴാഴ്ച്ച കോവിഡ് സ്ഥിരീകരിച്ചതിനാൽ നെല്ലനാട് പഞ്ചായത്ത്, വാമനപുരം പഞ്ചായത്ത് എന്നിവിടങ്ങളിലുള്ളവർ അതീവ ജാഗ്രത പുലർത്തണമെന്ന് ജില്ലാ ഭരണകൂടം അറിയിച്ചു. ഇവർക്ക് എവിടെ നിന്നാണ് രോഗം പകർന്നത് എന്നതിൽ വ്യക്തത ഇല്ലാത്തതിനാൽ സമൂഹവ്യാപന സാധ്യത ഉണ്ടോ എന്നതിലും ആശങ്കയുമുണ്ട്.