ന്യൂഡൽഹി : കേരളത്തിൽ ജൂൺ ഒന്നിന് തെക്കുപടിഞ്ഞാറൻ മൺസൂൺ കേരള തീരത്തെത്തുമെന്ന്  പ്രതീക്ഷിക്കുന്നതായി കേന്ദ്ര കാലാവസ്ഥാ വകുപ്പ്. മെയ് 31 നും ജൂൺ 4 നും ഇടയിൽ അറേബ്യൻ കടലിൽ താഴ്ന്ന മർദ്ദ മേഖലകൾ ഉണ്ടാകാൻ സാധ്യതയുള്ളതിനാൽ മൺസൂൺ കാറ്റിനു മുന്നേറാൻ അനുകൂല സാഹചര്യം ഉള്ളതാണ് ഇതിനു കാരണം. മെയ് 31 നും ജൂൺ 4 നും ഇടയിൽ ഇന്ത്യൻ തീരത്തോട് ചേർന്നുള്ള തെക്കുകിഴക്കൻ അറബിക്കടലിലും അതിനോട് ചേർന്ന കിഴക്കേ മധ്യ അറബിക്കടലിലും മറ്റൊരു കുറഞ്ഞ മർദ്ദ മേഖല ഉണ്ടാകാനും സാധ്യതയുണ്ട്. രണ്ടാമത്തെ താഴ്ന്ന മർദ്ദ മേഖല പടിഞ്ഞാറൻ തീരത്ത് മഴ പെയ്യിക്കാനും പ്രതീക്ഷിച്ചതിലും നേരത്തെ മൺസൂൺ മഴ ലഭിക്കാനും സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് ഡയറക്ടർ ജനറൽ എം.മോഹൻപത്ര പറഞ്ഞു