വെഞ്ഞാറമൂട്: അബ്‌കാരി കേസിൽ പോലീസ് അറസ്റ്റ്  ചെയ്തു സബ് ജയിലിലടച്ച വെഞ്ഞാറമൂട് സ്വദേശിക്ക് കോവിഡ് സ്ഥിരീകരിച്ചു. ഇതോടെ ഇയാളെ പിടികൂടി കൊണ്ട് വന്ന സമയത്ത് ഡ്യൂട്ടിയിൽ സ്റ്റേഷനിൽ ഡ്യൂട്ടിയിൽ ഉണ്ടായിരുന്ന വെഞ്ഞാറമൂട് പോലീസ് സ്റ്റേഷനിലെ 30 പോലീസുകാർ ക്വറന്റീനിൽ പോകാൻ നിർദ്ദേശിച്ചു. കൂടാതെ സബ് ജയിലിൽ ഡ്യൂട്ടിയിൽ ഉണ്ടായിരുന്ന ഉദ്യോഗസ്ഥരും ക്വറന്റീനിൽ പോകും. സംസ്ഥാനത്ത് ആദ്യമായാണ് തടവുകാരന് കോവിഡ് സ്ഥിരീകരിക്കുന്നത്. റിമാൻഡ് പ്രതികൾക്ക് കോവിഡ് പരിശോധന നടത്തണമെന്ന നിർദ്ദേശത്തിന്റെ അടിസ്ഥാനത്തിലാണ് ഇയാൾക്ക് പരിശോധന നടത്തിയത്. ഇദ്ദേഹത്തിന് എവിടെ നിന്നാണ് കോവിഡ് പകർന്നതെന്ന് വ്യക്തതയില്ല.