മൊഹാലി: രാജ്യം കണ്ട ഏറ്റവും മികച്ച ഹോക്കി താരവും ഇന്ത്യക്ക് മൂന്നു ഒളിമ്പിക് സ്വർണം നേടിക്കൊടുത്തത് ഇതിഹാസവുമായ ഹോക്കിതാരം ബൽബീർ സിംഗ് (96 ) അന്തരിച്ചു. ആശുപത്രിയിൽ ആയിരിക്കെ തിങ്കളാഴ്ച്ച പുലർച്ചെയായിരുന്നു അന്ത്യം. മൊഹാലിയിലെ ഫോർട്ടിസ് ആശുപത്രിയിൽ മെയ് 8 നാണ് കടുത്ത ന്യൂമോണിയയെ തുടർന്ന് അദ്ദേഹത്തെ പ്രവേശിപ്പിച്ചത്. രണ്ടാഴ്ചയായി വെന്റിലേറ്ററിന്റെ സഹായത്തോടെയായിരുന്നു ജീവൻ നിലനിർത്തിയിരുന്നത്.
     1948 ലെ ലണ്ടൻ ഒളിമ്പിക്സ്, 1952 ലെ ഹെൽസിങ്കി ഒളിമ്പിക്സ്, 1956 ലെ മെൽബൺ ഒളിമ്പിക്സുകളിൽ സ്വർണം നേടിയ ഇന്ത്യൻ ഹോക്കി ടീമിൽ അംഗമായിരുന്നു. മെൽബൺ ഒളിമ്പിക്സിൽ ഇന്ത്യൻ നായകൻ ഇദ്ദേഹമായിരുന്നു. പരിശീലകൻ എന്ന നിയലിയും അദ്ദേഹം തന്റെ വ്യക്തിമുദ്ര പതിപ്പിച്ചു. ബൽബീർ സിംഗ് പരിശീലിപ്പിപ്പിച്ച ഇന്ത്യൻ ഹോക്കി ടീം 1971 ൽ ലോകകപ്പ് സ്വർണം നേടി. 1957 ൽ പദ്മശ്രീ, 2015 ൽ ധ്യാൻചന്ദ് പുരസ്കാരം എന്നിവ നൽകി രാജ്യം ആദരിച്ചു.