മുംബൈ: പ്രമുഖ ഹിന്ദി ചാനലായ സീ ന്യൂസിലെ 66 ജീവനക്കാർക്ക് കോവിഡ് സ്ഥിരീകരിച്ചു. നേരത്തെ സീ ന്യൂസിലെ ഒരു ജീവനക്കാരന് കോവിഡ് സ്ഥിരീകരിച്ചതോടെ മറ്റുള്ള ജീവനക്കാരെ പരിശോധിക്കുകയും നിരവധി പേർക്ക് രോഗം കണ്ടെത്തുകയും ചെയ്തിരുന്നു. തുടർന്ന് ചാനൽ സ്റ്റുഡിയോയും ന്യൂസ്‌റൂമും അടച്ചിടുകയും ചെയ്തു. കോവിഡ് വ്യക്തിപരമായി തങ്ങളെ ബാധിച്ചിരിക്കുകയാണ്. കഴിഞ്ഞ വെള്ളിയാഴ്ച്ച ഞങ്ങളുടെ ഒരു തൊഴിലാളിക്ക് കോവിഡ് സ്ഥിരീകരിച്ചിരുന്നു. തുടർന്ന് ഉത്തരവാദിത്തപ്പെട്ട സ്ഥാപനം എന്ന നിലക്ക് എല്ലാ തൊഴിലാളികളെയും സമയബന്ധിതമായി കോവിഡ് പരിശോധനയ്ക്കുള്ള സാമ്പിൾ ശേഖരിക്കുകയും പരിശോധനക്ക് അയക്കുകയും ചെയ്തതായി സീ ന്യൂസ് എഡിറ്റർ ഇൻ ചീഫ് സുധീർ ചൗധരി വാർത്താ കുറിപ്പിൽ അറിയിച്ചു.





Zee News