കൊല്ലം : സാമൂഹിക അകലം പാലിക്കാതെ അധിക യാത്രക്കാരുമായി സർവീസ് നടത്തിയ രണ്ട് സ്വകാര്യ ബസ്സുകൾക്കെതിരെ കേസ്. കൊല്ലത്താണ് സംഭവം. ഡ്രൈവറുടെയും കണ്ടക്ടറുടെയും ലൈസൻസ് സസ്‌പെൻഡ് ചെയ്യും. ബസ്സുകളുടെ പെർമിറ്റും റദ്ദാക്കും. തുടർന്നുള്ള ദിവസങ്ങളിലും ഇത്തരം നിയമ ലംഘനങ്ങൾക്കെതിരെ പരിശോധന ശക്തമാക്കുകയും നിയമലംഘനം നടത്തുന്നവർക്കെതിരെ കർശന നടപടിയെടുക്കുമെന്ന് കൊല്ലം ആർ.ടി.ഒ അറിയിച്ചു.