ന്യൂഡൽഹി: ലോക്ഡൗണിൽ കൂടുതൽ ഇളവുകൾ പ്രഖ്യാപിച്ചതോടെ ആഭ്യന്തര വിമാസ സർവീസുകൾ മെയ് 26 നു പുനരാരംഭിക്കും. ആഭ്യന്തര സെക്ടറിലാണ് വിമാന യാത്രകൾ പുനരാരംഭിക്കുക. വിമാന യാത്രക്കാർക്കുള്ള മാർഗ നിർദ്ദേശങ്ങൾ എയർപ്പോർട്ട് അതോറിറ്റി ഓഫ് ഇന്ത്യ പുറത്തിറക്കി. എല്ലാവരുടെയും മൊബൈലിൽ ആരോഗ്യസേതു ആപ്പ് ഇൻസ്റ്റാൾ ചെയ്യണം.14 വയസ്സിൽ താഴെയുള്ള കുട്ടികൾക്ക് ആപ്പ് നിർബന്ധമില്ല. യാത്രക്കാർ എല്ലാവരും വിമാനത്താവളങ്ങളിൽ പ്രവേശിക്കുന്നതിന് മുൻപ് തെർമൽ സ്കാനിങ്ങിനു വിധേയമാകണം, ട്രോളികൾ അനുവദിക്കില്ല എന്നാൽ അനിവാര്യസാഹചര്യങ്ങളിൽ അണുവിമുക്തമാക്കിയ ട്രോളികൾ അനുവദിക്കും. കഴിഞ്ഞ ദിവസമാണ് കേന്ദ്ര ആഭ്യന്തര മന്ത്രാലയം നിബന്ധനകളോടെ ആഭ്യന്തര വിമാന സർവീസുകൾക്ക് അനുമതി നൽകിയത്. സാമൂഹിക അകലം പാലിച്ച് സീറ്റുകൾ ക്രമീകരിക്കുകയാണെങ്കിൽ യാത്രാ നിയറാക്കിൽ 33 ശതമാനം വർധിപ്പിക്കേണ്ടി വരും.


AAI