തിരുവനന്തപുരം: ലോക് ഡൗൺ നാലാംഘട്ടത്തിൽ ഇളവുകൾ പ്രഖ്യാപിച്ചതോടെ പരിമിതമായ തോതിൽ സർവീസ് പുനരാരംഭിച്ച കെ.എസ്.ആർ.ടി.സി ക്ക് വൻ നഷ്ടം. 60 ലക്ഷം രൂപയാണ് ബുധനാഴ്ച്ച സർവീസ് അവസാനിച്ചപ്പോഴുള്ള നഷ്ടം. രണ്ട് ലക്ഷം കിലോമീറ്ററാണ് ബുധനാഴ്ച്ച കെ.എസ്.ആർ.ടി.സി.ഓടിയത്. ഇതിൽ കിലോമീറ്ററിന് 28 .22 രൂപയുടെ നഷ്ടമുണ്ടായെന്നാണ് കണക്കുകൾ. മൊത്തം 35 ലക്ഷം രൂപയാണ് കളക്ഷൻ ലഭിച്ചത്. ഇന്ധനച്ചെലവിൽ മാത്രം 20 ലക്ഷം രൂപയുടെ നഷ്ടമുണ്ടായി. കിലോമീറ്ററിന് 20 രൂപ പോലും കളക്ഷൻ ലഭിച്ചില്ലെന്നാണ് കണക്കുകൾ പറയുന്നത്. ടിക്കറ്റ് നിരക്ക് വർധിപ്പിച്ചെങ്കിലും യാത്രക്കാരുടെ കുറവാണ് തിരിച്ചടിയായത്. വരും ദിവസങ്ങളിൽ കളക്ഷൻ കൂടുമെന്നാണ് പ്രതീക്ഷ.



KSRTC