ജനീവ: കഴിഞ്ഞ 24 മണിക്കൂറിനിടെ ഒരു ലക്ഷത്തി ആറായിരം പേർക്ക് കോവിഡ് 19 സ്ഥിരീകരിച്ചെന്ന് ലോകാരോഗ്യസംഘടനയുടെ റിപ്പോർട്ട് . വികസ്വര രാജ്യങ്ങളിൽ കോവിഡ് കേസുകൾ വർധിച്ചു വരുന്നതിൽ ആശങ്കയുണ്ടെന്നും ലോകാരോഗ്യ സംഘടന പറയുന്നു. കോവിഡുമായി ബന്ധപ്പെട്ട് ലോകാരോഗ്യ സംഘടന ചൈനയുടെ ഭാഗത്ത് നിൽക്കുന്നു എന്നും അതിനാൽ സംഘടനക്കുള്ള സാമ്പത്തിക സഹായം നിർത്തുമെന്നും അമേരിക്കൻ പ്രസിഡന്റ് ഡൊണാൾഡ് ട്രംപ് ഭീഷണിപ്പെടുത്തുന്നതായും ലോകാരോഗ്യ സംഘടനാ തലവൻ ട്രെഡോസ് അദാനം ഗബ്രിയേസസ് പറഞ്ഞു. ഇക്കാര്യങ്ങൾ ചൂണ്ടിക്കാട്ടി അമേരിക്കയുടെ കത്ത് ലഭിച്ചെന്നു പറഞ്ഞ ട്രെഡോസ് എന്നാൽ കൂടുതൽ കാര്യങ്ങൾ വെളിപ്പെടുത്തിയില്ല.