ന്യൂഡൽഹി: കോവിഡ് പ്രതിസന്ധിയിലും ബിജെപി വിലകുറഞ്ഞ രാഷ്ട്രീയം കളിക്കുകയാണെന്ന് പ്രിയങ്ക ഗാന്ധി. ഇതര സംസ്ഥാനങ്ങളിൽ നിന്നും ഉത്തർ പ്രദേശിലേക്കുള്ള തൊഴിലാളികൾക്കായി പ്രിയങ്ക തയാറാക്കിയ 1000 ബസ്സുകൾ യോഗി സർക്കാർ തടഞ്ഞ് ഇട്ടിരിക്കുന്നതിനാലാണ് പ്രിയങ്കയുടെ പ്രതികരണം. തൊഴിലാളികളുടെ മടക്ക യാത്ര വേദനാജനകമാണ്. യോഗി സർക്കാരിന്റെ ബസ്സുകൾ വെറുതെ കിടക്കുകയാണെങ്കിലും തൊഴിലാളികൾക്കായി വിട്ടുകൊടുത്തില്ല. ഈ പശ്ച്ചാത്തലത്തിലാണ് കോൺഗ്രസ് ബസ്സുകൾ ഏർപ്പാടാക്കിയത്. എന്നാൽ കൂടുതലും ബസ്സുകളല്ല എന്നും, വാഹനത്തിന്റെ രേഖകൾ ക്ലിയർ അല്ല എന്നും കാണിച്ച് യോഗി സർക്കാർ അനുമതി നൽകിയില്ല. ഈ പശ്ച്ചാത്തലത്തിലാണ് പ്രിയങ്കയുടെ പ്രതികരണം. വേണമെങ്കിൽ ബിജെപി കൊടി കെട്ടിക്കൊണ്ട് തൊഴിലാളികളെ കൊണ്ട് പോകൂ. അങ്ങനെയെങ്കിലും തൊഴിലാളികൾ നാട്ടിലേക്കെത്തട്ടെയെന്ന് യോഗി സർക്കാരിനോട് അഭ്യർഥിച്ചിരുന്നുവെന്നും പ്രിയങ്ക പറഞ്ഞു.