തിരുവനന്തപുരം: സംസ്ഥാനത്ത് ജൂൺ ഒൻപത് അർധരാത്രിമുതൽ ട്രോളിംഗ് നിരോധനം നിലവിൽ വരും. ജൂലൈ 31 അർധരാത്രി വരെയാണ് ട്രോളിങ് നിരോധനം. 52 ദിവസത്തെ ട്രോളിങ് നിരോധനം കേരളത്തിന്റെ അധികാര പരിധിയിൽ വരുന്ന 12 നോട്ടിക്കൽ മൈൽപ്രദേശത്താണ് നിലവിൽ വരിക. ട്രോളിംഗ് നിരോധന സമയത്ത് പരമ്പരാഗത മൽസ്യ തൊഴിലാളികൾക്ക് മൽസ്യബന്ധനം നടത്താൻ അനുമതിയുണ്ട്. സംസ്ഥാനത്ത് 4200 ഓളം ട്രോളിങ് ബോട്ടുകളാണുള്ളത്. ട്രോളിംഗ് നിരോധനത്തെ തുടർന്ന് തൊഴിൽ നഷ്ടപ്പെടുന്ന മത്സ്യത്തൊഴിലാളികൾക്ക് മത്സ്യത്തൊഴിലാളി സമാശ്വാസ പദ്ധതി നടപ്പാക്കുമെന്ന് ഫിഷറീസ് മന്ത്രി ജെ.മേഴ്സിക്കുട്ടിയമ്മ പറഞ്ഞു.