തിരുവനന്തപുരം: സംസ്ഥാനത്ത് ഇന്ന് ( ചൊവ്വാഴ്ച്ച) 12 പേർക്ക് കോവിഡ് 19 സ്ഥിരീകരിച്ചു. എട്ടു പേർ അന്യസംസ്ഥാനത്ത് നിന്നും നാല് പേർ വിദേശത്ത് നിന്നും വന്നവരാണ്. കണ്ണൂർ അഞ്ച് , മലപ്പറം മൂന്ന്, പത്തനംതിട്ട, ആലപ്പുഴ, പാലക്കാട്, തൃശ്ശൂർ എന്നീ ജില്ലകളിൽ ഒന്ന് വീതവും രോഗം സ്ഥിരീകരിച്ചു. സംസ്ഥാനത്ത് ഇതുവരെ 642 പേർക്ക് രോഗം സ്ഥിരീകരിച്ചു. ഇപ്പോൾ ചികിത്സയിലുള്ളത് 142 പേരാണ്. മുഖ്യമന്ത്രി വാർത്താ സമ്മേളനത്തിൽ അറിയിച്ചതാണ് ഇക്കാര്യം.