ന്യൂഡൽഹി: പാൽഖറിലെ ആൾക്കൂട്ട കൊലപാതകത്തെക്കുറിച്ചും സോണിയ ഗാന്ധിക്കെതിരെ നടത്തിയ അപകീർത്തികരമായ പരാമർശങ്ങളുടെ പേരിലും മുംബൈ പോലീസ് രജിസ്റ്റർ ചെയ്ത കേസ് റദ്ദാക്കണമെന്ന റിപ്പബ്ലിക് ടി വി ചീഫ് എഡിറ്റർ അർണാബ് ഗോസ്വാമിയുടെ അപേക്ഷ സുപ്രീം കോടതി തള്ളി. കേസ് സി ബി ഐ ക്കു വിടണമെന്ന ആവശ്യവും സുപ്രീം കോടതി നിരസിച്ചു. അതേസമയം ഇതേ വിഷയത്തിൽ മറ്റ് സംസ്ഥാനങ്ങളിൽ രജിസ്റ്റർ ചെയ്ത കേസുകൾ സുപ്രീംകോടതി റദ്ദാക്കി. ഏപ്രിൽ 14 നു ബാന്ദ്ര റെയിൽവേ സ്റ്റേഷന് പുറത്ത് അന്യസംസ്ഥാന തൊഴിലാളികൾ കൂട്ടംകൂടിയ സംഭവത്തിലും ടിവി ഷോക്കിടെ അർണാബ് ഗോസ്വാമി വർഗീയ പരാമർശം നടത്തിയിരുന്നു. ഇതേത്തുടർന്നാണ് ഇദ്ദേഹത്തിനെതിരെ വിവിധ സംസ്ഥാനങ്ങൾ കേസ്സെടുത്തത്. അതേസമയം ഗോസ്വാമിയുടെ അറസ്റ്റ് മൂന്നാഴ്ചത്തേക്ക് സുപ്രീംകോടതി തടഞ്ഞു. അധികാരകേന്ദ്രങ്ങളോട് സത്യം വിളിച്ച് പറയുവാനുള്ള മൗലിക അവകാശം മാധ്യമങ്ങൾക്കുണ്ടെന്നും എന്നാൽ എന്തും വിളിച്ച് പറയുവാനുള്ള സ്വാതന്ത്ര്യമില്ലെന്നും കോടതി പറഞ്ഞു.


Republic Tv