ന്യൂഡൽഹി: പ്രമുഖ ഹിന്ദി ചാനലായ സീ ന്യൂസ് ചാനലിലെ 28 ജീവനക്കാർക്ക് കോവിഡ് സ്ഥിരീകരിച്ചതോടെ സീ ന്യൂസ് ചാനൽ സ്റ്റുഡിയോയും ന്യൂസ് റൂമും അടച്ചുപൂട്ടി. സീ ന്യൂസ് ചാനൽ എഡിറ്റർ ഇൻ ചീഫ് സുധീർ ചൗധരി വാർത്താക്കുറിപ്പിലൂടെയാണ് ഇക്കാര്യം അറിയിച്ചത്. രോഗ ലക്ഷണം ഒന്നുമില്ലാത്തവർക്കാണ് രോഗം സ്ഥിരീകരിച്ചത്. കഴിഞ്ഞ ആഴ്ച്ച ചാനലിലെ ഒരു ജീവനക്കാരാണ് രോഗം സ്ഥിരീകരിച്ചിരുന്നു. ഇതിനെത്തുടർന്ന് ചാനലിലെ മറ്റു ജീവനക്കാരെയും പരിശോധിച്ചപ്പോഴാണ് 28 പേർക്ക് രോഗം സ്ഥിരീകരിച്ചത്. കൃത്യമായ സമയത്ത് ഉചിതമായ തീരുമാനം എടുക്കുകയും പരിശോധന നടത്തുകയും ചെയ്തതിനാൽ  രോഗ വ്യാപനം കുറക്കാൻ സാധിച്ചെന്നും സീ ന്യൂസ് എഡിറ്റർ ഇൻ ചീഫ് അറിയിച്ചു. ചാനലിൽ 2500 ജീവനക്കാരാണ് ഉള്ളത്.